Azərbaycan milli komandası Çinin Şenjen şəhərində keçirilən Tələbələrin 26-cı Yay Universiadasında növbəti medalını qazanıb. Apasport.az saytının məlumatına görə, yığmamıza bu uğuru gimnastımız Aliyə Qarayeva gətirib.

Avropa çempionumuz gürzlərlə hərəkətlərdə yalnız rusiyalı Yevgeniya Kanayevadan (29,200) geri qalaraq, 27,725 xalla yarışı ikinci pillədə başa vurub. İlk “üçlüyü” isə ukraynalı Alina Maksimenko qapayıb.

Qeyd edək ki, bununla da Universiada yığmamızın medal sayı 2-yə çatıb. Qarayevadan öncə cüdoçumuz Rüstəm Alimli (81kq) də fəxri kürsünün II pilləsində yer almışdı.

Hələlik aktivdə 2 gümüş medal olan milli komandamız 64 ölkə arasında Serbiya ilə 44-45-ci yerləri bölüşür. Universiadaya sabah yekun vurulacaq.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM