Yeniyetmələr arasında ağır atletika üzrə 9-cu Avropa çempionatı davam edir. Apasport.az saytının məlumatına görə, Polşanın Çexanov şəhərində keçirilən yarışı Elxan Əliquluzadə (62 kq) də medalla başa vurub.

“Zirvə” İdman Klubunu yetirməsi iki hərəkətin cəmində bürünc medala yiyələnib. Ancaq təkanla qaldırmada ona çatan olmayıb. İlk cəhdində 137, daha sonra isə 146 kq-ı başı üzərinə qaldıran Əliquluzadə bu növdə kiçik qızıl medal qazanıb.

Lənkəranlı idmançının birdən qaldırmada medal qazana bilməyib. Ancaq burada diqqətçəkən məqam olub. Belə ki, 16 yaşlı idmançımız erməni ağırlıqqaldıran Harutyun Kadımyanı ilk cəhddəcə üstələyib. Düşmən ölkənin idmançısı üç cəhddə ən çoxu 110 kq qaldırıb. Elxan Əliquluzadə isə elə ilk cəhdində 112 kq çəkini başı üzərinə qaldırıb və düşmənimizə yerini göstərib.

Beləliklə, 1 bürünc və 1 kiçik qızıl qazanan atletimiz milli komandamızın aktivindəki medalların sayını 7-yə çatdırıb.

Qeyd edək ki, Elxandan öncə Paşa İbrahimli (56 kq) 3 qızıl, Allahyar Abışıov (50 kq) 2 bürünc medala sevinmişdilər.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM