Bakının SOCAR şahmat klubu sentyabrın 25-dən oktyabrın 2-nə kimi Sloveniyada keçiriləcək Avropa çempionatı üçün heyətini açıqlayıb. Apasport.az saytının məlumatına görə, komandamızın özəyi əvvəlki kimi qalaraq, azərbaycanlı şahmatçılardan təşkil olunub. Bunlar Teymur Rəcəbov, Şəhriyar Məmmədyarov, Rauf Məmmədov və Eltac Səfərlidir. Onlarla yanaşı, heyətdəki 2 legioner - Aleksandr Qrişuk (Rusiya) və Rüstəm Qasımcanov (Özbəkistan) karyeralarını yenə SOCAR-da davam etdirəcəklər.

Komandamız digər 2 legioner - Aleksandr Şirov (İspaniya) və Maksim Vaşyer-Laqrav (Fransa) ilə yollarını ayırıb. Onlar israilli Emil Sutovski və ukraynalı Andrey Volokitinlə əvəzlənib.

Qeyd edək ki, SOCAR ötən il analoji yarışı mükafatsız başa vurmuşdu.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM