Sentyabrın 22-dən oktyabrın 10-na kimi Bakıda keçiriləcək boks üzrə dünya çempionatının iştirakçısı olacaq Türkiyə milli komandası artıq paytaxtımızdadır. Apasport.az saytının məlumatına görə, Azərbaycana hamıdan birinci gələn “ay-ulduzlular” təlim-məşq toplanışını ölkəmizdə davam etdirəcəklər.

Türklər Bakıya tam heyətlə - 10 boksçu (Fərhad Pəhləvan (49 kq), Selcuk Eker (52 kq), Furkan Ulaş Memiş (56 kq), Fatih Keleş (60 kq), Onur Şipal (64 kq), Öndər Şipal (69 kq), Adem Kılıççı (75 kq), Caner Sayak (81 kq), Bəhram Müzəffər (91 kq), Dənizcan Gökkaya (+91 kq) ilə gəliblər. Ərzurum, ardından Ankarada hazırlıq keçən rəqibimiz son məşqlərini ölkəmizdə davam etdirəcəklər.

Qeyd edək ki, “ay-ulduzlular” Bakıda keçiriləcək lisenziya xarakterli mundialda ən azı 7 vəsiqəyə ümid edirlər.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM