Rusiyanın Xantı-Maysiysk şəhərində başa çatan Dünya kubokunun rekordları açıqlanıb. Apasport.az saytının məlumatına görə, yarışın ən uzun partiyaları azərbaycanlı qrossmeysterlərin iştirakı ilə keçirilib.

Belə ki, Dünya Kubokunun 1/4 final mərhələsində Teymur Rəcəbovla ukraynalı Vasili İvançuk arasındakı 1-ci tay-brek matçı turnirin ən çox gedişli görüşü olub. Şahmatçılar 120-ci gedişdə heç-heçə ediblər.
Qalibin müəyyənləşdiyi oyunlar arasında ən çox davam edəni isə Vüqar Həşimovun danimarkalı Peter Xayne Nilsenlə qarşılaşması olub. 1/8 final mərhələsinin ikinci matçında ağlarla oynayan rəqib 113-cü gedişdə şahmatçımızı mat edib. Bu matç ən çox gedişli görüşlər arasında II olub.

Qeyd edək ki, Dünya Kuboku rusiyalı Peter Svidlerin qələbəsi ilə başa çatıb.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM