Beynəlxalq Cüdo Federasiyası oktyabr ayı üçün reytinq cədvəlini açıqlayıb. Apasport.az saytının məlumatına görə, yeni siyahı Azərbaycan milli komandasının aparıcı cudoçuları üçün uğurlu alınıb.

Belə ki, yığmamızın üzvlərindən Tərlan Kərimov (66 kq) və Ramilə Yusubova (63 kq) hərəyə 1 pillə irəli gediblər. Onlar müvafiq olaraq, 13-cü və 21-ci yerlərə yüksəliblər.

Təmsilçilərimizdən İlqar Müşkiyev (66 kq), Elnur Məmmədli (81 kq), Elxan Məmmədov (90 kq) və Kifayət Qasımova (57 kq) irəliləməsələr də, öz mövqelərini qorumağı bacarıblar. Bu cüdoçularımız yeni siyahıda da müvafiq olaraq, 11-ci, 3-cü, 4-cü və 12-ci yerləri tuturlar.

Ağayar Axundazanənin yetirmələrindən yalnız Elxan Rəbəcli (81 kq) və Elmar Qasımov (100 kq) geriləyiblər. Onlar hərəsi 1 rəqiblərini qabağa buraxaraq, 15-ci və 34-cü pilləyə eniblər.

Xatırladaq ki, London-2012-yə Olimpiada ərəfəsində yekun siyahıda kişi idmançıların reytinqində ilk 22 yer, zəriflər arasında 12 yer vəsiqə qazanacaq. Lisenziya xalları verəcək yarışlar isə apreldə başa çatacaq.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM