“Yarışa tam heyətlə qatılmışıq. İlk günlərdəki nəticələr ürəyimizcədir”. Apasport.az saytının məlumatına görə, bunu Bakıda keçirilən boks üzrə dünya çempionatına qələbələrlə başlayan ABŞ yığmasının məşqçisi Kevin Cons deyib.

O bildirib ki, hazırda komandasında əhval-ruhiyyə yüksək səviyyədədir: “Bura London Olimpiadasına lisenziya qazanmaq üçün gəlmişik. 2 boksçumuz isə Bakıda medal almağa da qadirdir”.

Amerikalı mütəxəssis ilk dəfədir ki, Bakıya səfər etdiyini deyib: “Şəhəri gəzmək üçün o qədər də çox vaxtım olmayıb. Amma müəyyən yerlərdə olmuşam və Bakı xoşuma gəlib. Müasir bir şəhərdir. Təşkilatçılar qonaq komandaların heç bir çətinliklə üzləşməməsi üçün əllərindən gələni edirlər”.

Qeyd edək ki, mundial oktyabrın 8-də başa çatacaq.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM