“İtaliyada və Rusiyada yaxşı təlim-məşq toplanışları keçmişik. Rusiya komandası dünyada ən güclülərdəndir. Onlarla birgə hazırlaşmaq bizim xeyrimizə olmalıdır”. Apasport.az saytının məlumatına görə, bunu Azərbaycan milli komandasının boksçusu Elvin İsayev (60 kq) deyib.

Bakıda keçirilən lisenziya xarakterli dünya çempionatına isveçli Raduen Kaya üzərində qələbə ilə başlayan Elvin uğurun ardını gətirmək istəyir: “İsveç idmançısı ilə döyüş asan olmadı. Ümumiyyətlə, dünya çempionatında zəif rəqib yoxdur. 3-cü raundun sonlarında dözümlüyüm yerində idi. Bu da vacib amildir. Əsas məqsədim Olimpiya oyunlarına lisenziya qazanmaqdır”.

İsayevin növbəti mərhələdəki rəqibi Tacikistan boksçusu Madadi Naqzibekov olacaq. Həmyelimiz bu rəqiblə ilk dəfə qarşılaşacağını deyir: “Tacikistan nümayəndəsini tanımıram. Buna bamayaraq, onu məğlub etməyə çalışacam”.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM