Rusiya milli komandası Bakıda keçirilən boks üzrə dünya çempionatında gözlənilməz itki ilə üzləşib. Apasport.az saytının məlumatına görə, 60 kq çəki dərəcəsində mübarizə aparan dünya çempionatının gümüş mükafatçısı, Avropa çempionu Albert Səlimov diskvalifikasiya olunub.

Venesuelalı Ektor Manzanilla ilə döyüşdə 4:2 hesabı ilə öndə olan rusiyalı boksçu rəqibinə qurşaqdan aşağı zərbə endirdiyi üçün hakim döyüşü saxlayıb və Səlimova məğlubiyyət verilib. Rusiya komandası bununla bağlı, AİBA-ya protest versə də, etiraz qəbul olunmayıb.

Rusiya Boks Federasiyasının direktoru Yevgeni Sudakov Səlimovun qaydaları pozduğunu etiraf edib: “Epizodun təkrarına baxılanda məlum oldu ki, boksçumuz rəqibinə qurşaqdan aşağı zərbə endirib. Bu artıq qayda pozuntusudur. Rəqibin simulyasiyaya əl atması ikinci məsələdir. Çox təəssüf ki, belə oldu. Amma qaydalar hamı üçün eynidir”.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM