Bakıda boks üzrə dünya çempionatı davam edir. Apasport.az saytının xəbərinə görə, bu gün mübarizəyə başlayan 6 idmançımızdan biri 1/4 finala çıxmaqla, London yay Olimpiya Oyunlarına vəsiqə qazanıb.

64 kq çəkidə rinqə çıxan Heybətulla Hacəliyev Əli İslam (Misir) və Koba Pxakadzenin (Gürcüstan) ardınca özbəkistanlı Sanjorbek Rəhmonovu da məğlub edib.

Belə ki, döyüşə fəal başlayan boksçumuz ilk dəqiqələrdən təşəbbüsə yiyələnib və fasiləyə 11:6 hesabı ilə üstün yollanıb. İkinci hissədə də Rəhmonov Hacəliyevə ciddi müqavimət göstərə bilməyib. Nəticədə daha dəqiq zərbələr vuran boksçumuz fərqi 11 xala (24:13) çatdırıb.

Son raundda da bu fərq dəyişməz qalib. 33:22 hesabı ilə qələbə qazanan Heybətulla 1/4 finala yüksəlməklə yanaşı, Azərbaycana 2012-ci ildə keçiriləcək London Yay Olimpiya Oyunlarına 19-cu lisenziyanı qazandırıb. Boks növündə isə bu yığmamızın ikinci lisenziyası olub.

Təmsilçimiz növbəti döyüşündə Denis Berinçik (Ukrayna) – Conatan Alonso (İspaniya) cütünün qalibi ilə qüvvəsini sınayacaq.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM