Azərbaycan boksçusu Salman Əlizadənin (49 kq) Bakıda keçirilən dünya çempionatında London-2012-yə lisenziya qazanmaq şansı qalmayıb. Apasport.az saytının məlumatına görə, buna səbəb Avropa çempionumuzu 1/8 finalda məğlub edən Kaeo Pongprayun (Tailand) yarımfinala yüksələ bilməməsidir.

Tailandlı boksçu 1/4 finalda Şiminq Zouya (Çin) uduzub.

Qeyd edək ki, mundialda Salmanın qüvvəsini sınadığı 49 kq çəki dərəcəsində 2012-ci ildə Londonda keçiriləcək Yay Olimpiya Oyunlarına 10 boksçuya lisenziya veriləcək.

Bunlardan 8-i 1/4 finala yüksələn idmançılar olsa da, digər 2-sinin adı oktyabrın 7-də bilinəcək. Çünki qaydalara əsasən 1/8 finalda qələbə qazananlar finala kimi irəliləməlidirlər ki, onların bu mərhələdə yarışdan kənarlaşdırdıqları idmançılar Olimpiadaya vəsiqəyə sahib olsunlar.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM