Azərbaycan boksçusu Teymur Məmmədov 6 illik həsrətə son qoyub. Apasport.az saytının məlumatına görə, dünya çempionatının bu gün keçirilən yarımfinal döyüşündə çinli Xuanxuan Vanqı məğlub edərək, həlledici görüşə vəsiqə qazanan 18 yaşlı Avropa çempionumuz mundiallar tarixinə 4-cü finalçımız kimi düşüb.

Sonuncu dəfə 2005-ci ildə Myanyanda (Çin) keçirilən dünya çempionatında yaşanan bu sevinc növbəti dəfə 6 ildən sonra təkrarlanıb. Həmin vaxt birdən-birə 2 boksçumuz - Romal Amanov (60 kq) və Elçin Əlizadə (91 kq) finala yüksəlmişdilər. Lakin onların hər ikisi sonda gümüş medalla kifayətlənmişdilər. Bundan sonrakı 2 çempionatda isə milli komandamızın heç bir üzvü bu nailiyyəti təkrarlaya bilməmişdi.

Qeyd edək ki, finala vəsiqə qazanan ilk boksçumuz Ağası Məmmədov (54 kq) Bankoqda (Tailand) təşkil olunan 8 il əvvəlki dünya çempionatında qızıl medala sahib olmuşdu.

Tahir HÜMMƏTOV

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM