Kiprin Pafos şəhərində taekvondo üzrə gənclərin 18-ci Avropa çempionatı davam edir. Apasport.az saytının məlumatına görə, yarışın ikinci günü Azərbaycan milli komandası üçün uğurlu olub.

Belə ki, taekvondoçularımızdan Nərminə Məmmədova (42 kq) yığmamıza ilk medalı qazandırıb. O, fəxri kürsünün üçüncü pilləsinə qalxıb.

Digər idmançılarımızdan Mikayıl Əliyev (51 kq) də çempionata qələbə ilə başlayıb. Lakin həmyerlimiz ilk görüşdə ermənistanlı rəqibi Mixael Bağdasaryanı 27:9 hesablı ilə vaxtından əvvəl məğlub etsə də, almaniyalı idmançı ilə qarşılaşmada hakim səhvi təmsilçimizin mübarizəni dayandırması ilə nəticələnib. Referilər hesab 22:24 olarkən idmançımızın son saniyələrdə bir baş və fırlanma zərbəsini hesaba almayıblar.

İlk görüşdə qələbə qazanan Elmar Bədəlli (45 kq) də ikinci mərhələdə uduzub. Əşrəf Baxışovla (48 kq) Zümrüd Məlikova (46 kq) isə ilk döyüşün son anında qələbəni əldən veriblər.

Qeyd edək ki, taekvondoçularımızdan Hüseyn Mehrəliyev (59 kq), Elvin Əliyev (+78 kq) və Təranə Məmmədova (44 kq) hələ mübarizəyə qoşulmayıblar. Avropa çempionatına oktyabrın 9-da yekun vurulacaq.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM