Premyer Liqanın XVII turunda səfərdə "İnter"lə qarşılaşan Bakının "Neftçi" klubu rəqibinə 1:2 hesabı ilə məğlub olub. Apasport.az saytının məlumatına görə, "Neftçi"nin baş məşqçisi Böyükağa Hacıyev oyundan sonra keçirilən mətbuat konfransında görüşlə bağlı fikirlərini bölüşüb:
"Bu, futboldur. Burada hər şey olur. Bu gün komandamın mərkəz xəttindən çox narazı qaldım. Bahadır Nəsimovun da hücumda dişsiz olması oyunumuza mənfi təsir göstərdi. Penalti epizoduna gəldikdə isə Bahadır məşqlərdə bu yöndə daha çox işləyirdi. Nədənsə bu gün penaltini dəqiq yerinə yetirə bilmədi. Bu oyunda qalib gəlməklə liderliyimizi möhkəmləndirmək istəyirdik. Ancaq alınmadı".
Hacıyev eyni zamanda həmkarı Kaxaber Sxadadzeyə məsləhət verməyi də unutmayıb: "Sən hələ gəncsən. Bu qədər emisional olmağına ehtiyac yoxdur. Unutma ki, sən Azərbaycandasan. Əgər mən Gürcüstanda belə hərəkət etsəydim, o zaman gürcü ictimaiyyəti mənim haqda hansı fikirdə olardı?".

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM