Azərbaycan taekvondoçuları yanvar 27-29-da Rusiyanın Kazan şəhərində 2012-ci il London Yay Olimpiya Oyunlarına son lisenziyalar uğrunda Avropa Təsnifat Turnirinə yollanmağa hazırlaşır. Taekvondo Federasiyasından apasport.az saytına verilən məlumata görə, milli komandamızın məşqçilər heyətinin qərarı ilə yarışda iştirak edəcək Təvəkkül Bayramov (+80 kq) və Günay Ağakişiyeva (57 kq) yanvarın 23-də səfərə yollanacaq və 8 gün sonra vətənə dönəcəklər.

Bu turnir taekvondoçularımızın London olimpiadasına lisenziya əldə etmələri üçün son imkandır. Artıq iki taekvondoçumuz - Ramin Əzizov (80 kq) və Fəridə Əzizova (67 kq) 2012-ci il London Yay Olimpiya Oyunlarına vəsiqəni təmin ediblər.

Qeyd edək ki, bir neçə gün öncə Dünya Taekvondo Federasiyası (WTF) tərəfindən Azərbaycan Taekvondo Federasiyasının l vitse-prezidenti Füzuli Musayev yarışa Nəzarət komissiyasının üzvü təyin olunub.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM