Bu gün Bakıda London Yay Olimpiya Oyunlarına taekvondo idman növündən seçilən hakimlərin I nəzəri-praktiki seminarı başlayır. Taekvondo Federasiyasından apasport.az saytına verilən məlumata görə, martın 2-dək davam edəcək seminarda London Olimpiadasına seçilmiş bütün hakimlər iştirak edəcək. Ədalət təmsilçiləri 30 ölkəni təmsil edir.

Azərbaycan Taekvondo Federasiyasının (ATF) inzibati binası Dünya Taekvondo Federasiyasının (WTF) Regional Mərkəzi olduğundan, bu mötəbər tədbir paytaxtımıza həvalə olunub.

Qeyd edək ki, seminarla bağlı bu gün mətbuat konfransı keçiriləcək. Tədbir saat 15-00-da ATF-in inzibati-binasında başlanacaq. ATF-in l vitse-prezidenti Füzuli Musayev və London Olimpiadasında taekvondo yarışlarının baş hakimi Şakir Çəlbat media nümayəndələrini maraqlandıran məqamlara aydınlıq gətirəcəklər.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM