Serbiyanın paytaxtı Belqradda güləş üzrə Avropa çempionatı start götürüb. Apasport.az saytının məlumatına görə, yarışın ilk günü idmançılarımız üçün uğursuz alınıb.

Belə ki, mübarizə meydanına çıxmış sərbəst güləşçilər - Emin Əzizov (66 kq) ilə Novruz Temrezov (96 kq) və qadın pəhləvan Marziget Baqomedova mükafatçılar sırasına düşməyiblər. Onlardan Novruz fərqlənib ki, o da yekunda 5-ci yer tutub.

60 kq-da güləşən Toğrul Əsgərov Türkiyə, Gürcüstan və Rumıniyadan olan həmkarı üstələyərək, finala adlayıb. Həlledici görüşdə gənc bahadırımız bolqarıstanlı Anatoli Quydeanı məğlub edib (5:0, 2:5, 5:1).

Digər sərbəst güləşçimiz Qalib Əliyev (55) uğursuz nəticə göstərib. Qadınların mübarizəsində Fatimə Baqomedova (51 kq) 5-ci yerə çıxıb. Titullu idmançımız Sona Əhmədli (59 kq) komandamızı medalsız qoymayıb. Bürünc mükafat uğrunda görüşdə qitə çempionu belaruslu Nadejda Mixalkovanı üstələyib (6:0, 3:3).

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM