Onlayn keçirilən sürətli şahmat üzrə qadınlar arasında dünya çempionatı Qran-Prisinin I mərhələsi davam edir.

Apasport.az saytının məlumatına görə, 10300 ABŞ dolları mükafat fondu olan turnirdə yarımfinalçılar müəyyənləşib.

Cütlərin birində Valentina Qunina və Aleksandra Kostenyuk, digərində Anna Uşenina ilə Uolsoll Rameşbabu qarşılaşacaq. Turnirdə iştirak hüququnu pley-offdakı uğurlu çıxış sayəsində qazanan Azərbaycan təmsilçisi Günay Məmmədzadə I mərhələyə 1/8 finaldan başlayıb. Şahmatçımız Kostenyukla görüşüb. Rusiyalıya 0:11 hesabı ilə uduzan həmyerlimiz mübarizəni dayandırıb.

Lakin Günay daha iki turnirdə iştirak edəcək. Qran-Pridə 4 mərhələ olacaq. Hər iştirakçı bunlardan üçündə qüvvəsini sınayacaq. Günay sonuncu mərhələdə istirahət edəcək.
 

• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb