Estoniyanın Tartu şəhərində keçirilməli olan triatlon üzrə Avropa çempionatı təxirə salınıb.

Apasport.az saytının məlumatına görə, buna koronavirus pandemiyası səbəb olub.

Avropa Triatlon İttifaqı (ETU) iyulun 2-5-də təşkil olunması planlaşdırılan yarışı qeyri-müəyyən müddətə təxirə salmağı məqsədəuyğun sayıb. Azərbaycan idmançılarının da qatılacağı turnirin nə vaxt keçirilməsinə koronavirus pandemiyası ilə bağlı məhdudiyyətlər aradan qaldırıldıqdan sonra tam aydınlıq gələ bilər. 

Həmçinin, orta məsafələrə triatlon, akvatlon və akvabayk üzrə qitə çempionatı da baş tutmayacaq. İyulun 25-28-də Avstriyanın Valxzee şəhərində keçirilməsi nəzərdə tutulan turnir ümumiyyətlə ləğv edilib.
 

• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb