Koronavirus pandemiyası daha bir nüfuzlu idman yarışının keçirilməsinə əngəl yaradıb.

Apasport.az saytının məlumatına görə, 2021-ci ilin fevralında keçirilməli olan dağ xizəyi üzrə dünya çempionatı bu səbəbdən də təxirə salınacaq.

Bunu İtaliya Milli Olimpiya Komitəsinin prezidenti Covanni Malaqo açıqlayıb. O bildirib ki, Kortina Dampetso şəhərində təşkil olunmalı yarışın bir il sonraya keçiriləcək.

Onun sözlərinə görə ölkənin qış idman növləri federasiyası mundialın 2022-ci ilin martına keçirilməsi ilə bağlı rəsmi müraciət hazırlayıb. Bu sənəd Beynəlxalq Xizək İdmanı Federasiyasına təqdim olunacaq.

Qeyd edək ki, dağ xizəyi Azərbaycan yığmasının da iştirak etdiyi azsaylı qış idman növlərindən biridir. Ölkəmiz bu növdə dünya çempionatlarında da təmsil olunur.
 

• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb