Azərbaycan şahmatçısı Rauf Məmmədov növbəti qələbəsini qazanıb.

Apasport.az saytının məlumatına görə, qrossmeysterimiz dünyaya meydan oxuyan Daniel Naroditskini dayandırıb.

25 yaşlı ABŞ şahmatçısı iyulun 5-də “Naroditski dünyaya qarşı” adlı seriyaya start verib. Özünü sürətli şahmatda qarşısıalınmaz hesab edən qrossmeyster klassik şahmatda dünya çempionu Maqnus Karlsen də daxil olmaqla, planetin ən yaxşılarını ard-arda məğlubiyyətə uğradıb.

Seriyada 13:1 hesabı ilə öndə olan Naroditskinin 15-ci rəqibi Rauf olub. Onlayn sürəli şahmatda ardıcıl uğurlu turnirlər keçirən həmyerlimiz Danielə də yerini göstərib. Məmmədov Dünya yığmasının nüfuzunu qoruyaraq amerikalı rəqibini 36:25 hesabı ilə üstələyib. 

Qeyd edək ki, 1995-ci ildə ABŞ-ın San-Mateo şəhərində anadan olan Danielin valideynləri Bakıdan Şimali Amerikaya köçüb. O qədər də yüksək FİDE reytinqi ilə öyünə bilməyən Naroditski əsasən nəzəriyyəçi kimi tanınır. O, bir neçə kitab və məqalələrin müəllifidir.
 

• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb