Avropa Karate Federasiyasının (EKF) ikinci virtual görüşündə koronovirus pandemiyası şəraitində karatenin inkişafı məsələləri müzakirə olunub.

Apasport.az-ın Azərbaycan Milli Karate Federasiyasının rəsmi saytına istinadən məlumatına görə, EKF-in prezidenti Antonio Espinosun rəhbərlik etdiyi videokonfrans görüşündə qitənin 30-dək milli federasiyasının prezidenti iştirak edib.

Digər qitə federasiyaları ilə görüş isə ikinci hissədə baş tutub. Azərbaycan Milli Karate Federasiyasının prezidenti və EKF-in İdarə heyətinin üzvü Yaşar Bəşirov çıxışında milli federasiyanın bu dövrdə virtual fəaliyyətindən və idmançılarımızın hərtərəfli dəstəkləndiyindən söz açıb. Görüşün sonunda Espinos bu çətin günlərdə milli federasiyaların işlərini yüksək qiymətləndirib.

Videokonfransda yarışların keçirilməsinin mümkün variantları müzakirə olunub, birgə səylər nəticəsində qarşıdakı aylarda həyatın öz axarına düşəcəyinə və turnirlərin bərpa ediləcəyinə inam ifadə olunub.

• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb