Azərbaycanlı ağırlıqqaldıran Nicat Rəhimovun Qazaxıstanda üzləşdiyi problem aradan qaldırılıb. 

Bu barədə apasport.az saytına məlumatı Olimpiya çempionunun atası Əli Rəhimov verib. 

O bildirib ki, koronavirus pandemiyası səbəbindən yaranan maliyyə çətinlikləri artıq geridə qalıb. Rəhimov Qazaxıstan yığmasında çıxış edən oğlu ilə yanaşı, komanda yoldaşlarının da hansısa problemi qalmadığını vurğulayıb: “Hər şey qaydasına qoyulub. Artıq heç bir problem qalmayıb. Sadəcə koronavirusa görə bir az sıxıntıları olmuşdu. Federasiya bütün çətinlikləri yoluna qoyub”. 

Qeyd edək ki, Qazaxıstan mətbuatı ağır atletika üzrə milli komandalarının maliyyə çətinliyi ilə üzləşdiyini və bu səbəbdən Nicat Rəhimovla yanaşı, komanda yoldaşlarının federasiyaya müraciət ünvanladığını yazmışdı. 
 

• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb