Niderlandın Eydhoven şəhərində taekvondo üzrə “Dutch Open” turniri keçirilib. 

Apasport.az saytının məlumatına görə, Azərbaycan millisi G1 kateqoriyalı yarışda 4 qızıl, 2 gümüş və 1 bürünc medal qazanıb.

Sayca 47-ci dəfə təşkil olunan ənənəvi Niderland açıq çempionatında Qaşım Maqomedov (58 kq), Milad Beigi Harçeqani (80 kq), Radik İsayev (+87 kq) və Fəridə Əzizova (67 kq) bütün rəqiblərinə qalib gələrək, qalib adına yiyələniblər. Cavad Ağayev (68 kq) və Payam Qobadi Oğaz (87 kq) finalda məğlub olaraq, gümüş medal qazanıblar. Bəhruz Quluzadə (54 kq) isə yarışı yarımfinal mərhələsində başa vuraraq, üçüncü yerlə kifayətlənib.

Baş məşqçilər Reza Mehmandoust və Elnur Amanovun rəhbərliyi ilə komandamız bir həftə sonra Niderlanddan birbaşa Belçikanın Lommel şəhərinə yollanacaq. Taekvondoçularımız martın 14-15-də burada keçiriləcək G2 kateqoriyalı açıq çempionata qatılacaqlar.
 

• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib