Beynəlxalq Olimpiya Komitəsi (BOK) koronavirus pandemiyası səbəbindən 2021-ci ilə təxirə salınmış Tokio Yay Olimpiya Oyunlarının proqramını və yarışların keçiriləcəyi məkanları təsdiqləyib.

Apasport.az xəbər verir ki, bu barədə BOK tvitter səhifəsi vasitəsilə məlumat yayıb.

Təşkilatçılar 2020-ci ilin təqvim günləri ilə bağlı hər hansı dəyişiklik etmək fikrində olmayıblar. Qərar bu gün 136-cı sessiyada təsdiqlənib. Tokio Olimpiadası öncədən planlaşdırıldığı kimi, 23 iyul - 8 avqust 2021 tarixlərində baş tutacaq.

Qeyd edək ki, BOK və Tokio Olimpiadasının Təşkilat Komitəsi bu il keçirilməli olan yarışı martda koronavirus pandemiyası səbəbindən 2021-ci ilə təxirə salıb.

• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb