Ümumdünya Antidopinq Agentliyinin (WADA) Rusiyaya tətbiq etdiyi cəza ilə bağlı İdman Arbitraj Məhkəməsinə (CAS) müraciət oluna bilər.

Apasport.az saytının məlumatına görə, Rusiya atletlərinin 4 il müddətində milli bayraq altında çıxış etmək hüququndan məhrum olunması ilə barədə qərardan şimal qonşularımız deyil, WADA-nın İdmançılar Komissiyası şikayət edəcək.

Komissiya üzvləri bu gün keçiriləcək yığıncaqda apelyasiya məsələsini müzakirə edəcək. Adıçəkilən qurum WADA-nın sanksiyasının yüngül olduğu qənaətindədir.

İdmançılar Komissiyası cəzanın daha da sərt olmasını tələb edir. Onlar rusiyalı idmançıların neytral bayraq altında da çıxış etməsinə qadağa qoyulmasını, böyük yarışlardan tamamilə kənarlaşdırılmasını istəyir.

• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib