“Qarabağ”ın rəqibi İsveç futbolunun lideri olan təcrübəli komandadır. Skandinaviyalılar avrokubokların qrup mərhələsinin daimi iştirakçısıdır. Demək lazımdır ki, “Malmö” son zamanlarda daha da yüksəlişdədir”.

Bu sözləri təcrübəli mütəxəssis Arif Əsədov apasport.az saytına açıqlamasında deyib.

Yığmamızın sabiq baş məşqçisi “Qarabağ”ın şanslarını dəyərləndirib: “Təmsilçimizi çətin oyun gözləyir. Buna baxmayaraq “Qarabağ” da təcrübəlidir. Ev matçı olması isə ağdamlılara əlavə motivasiya verəcək. Bilirik ki, “köhlən atlar” evdə keçirdiyi görüşlərdə azarkeşlərinin dəstəyi ilə çox daha üstün futbol nümayiş etdirir. Ümid edirik ki, təmsilçimiz bu gün qələbə qazanacaq. Liqa mərhələsində hər xal çox önəmlidir. Mübarizəni davam etdirmək istəyirsənsə, xallar qazanmalısan. Bugünkü oyunda qələbə “Qarabağ”a hava-su kimi lazımdır. Komandanın son zamanlarda ən böyük problemi qol epizodlarını reallaşdıra bilməməkdir. Ağdamlılar matçın startında bunun öhdəsindən gəlib fərqlənə bilsə, qarşılaşma daha rahat keçəcək, Tez bir zamanda Juninyonun ayağının açılacağına ümid edirəm. Ümumilikdə “Qarabağ”ın “Malmö”nü məğlub edəcəyinə inanıram.

Qeyd edək ki, “Qarabağ” – “Malmö” görüşü bu gün 20:45-də start götürəcək.

İsmayıl Xeyrullayev
 

• Kaxaber Tsxadadze: “Futbolçular hələ çempionatın səviyyəsini dərk etməyib”
• Zaur Həşimov: “Məqsədimiz Premyer Liqada qalmaqdır”
• “Şəfa” Qəbələ səfərindən 3 xalla qayıdır - YENİLƏNİB
• Xose Manuel Armada Zarko: "Sabahın Ulduzları" müxtəlif komandaları görmək üçün əlverişlidir"
• Toralın komandasından məğlubiyyət