Qadın boksçulardan ibarət Azərbaycan millisi Bakıda keçirilən “Böyük İpək Yolu” beynəlxalq turnirini 9 medalla başa vurub.

Apasport.az xəbər verir ki, onlardan 2-si qızıl, 3-ü gümüş, 4-ü bürünc mükafata yiyələnib.

Son olaraq Marjona Savriyeva (50 kq) və Zeynəb Rəhimova (54 kq) fəxri kürsünün ən yüksək pilləsinə qalxıblar. Savriyeva həlledici görüşdə komanda yoldaşı Günel Rəhimovanı, Rəhimova isə Şahina Nematovanı (Özbəkistan) məğlub edib.

Günel Rəhimova kimi, Mehparə Məmmədova (48 kq) və Lalə Namazlı (63 kq) da finalda məğlub olaraq ikinci yeri tutublar.

Daha əvvəl Anaxanım İsmayılova (50 kq), Nərgiz Zeynalova (54 kq), Məhsəti Həmzəyeva və Aysu Dərvişova (hər ikisi 60 kq) bürünc medal qazanıblar.

Qeyd edək ki, 11 ölkənin 121 idmançısının qatıldığı “Böyük İpək Yolu”nda kişi boksçuların mübarizəsi martın 28-də yekunlaşacaq.

• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib