Avropadan Tokio-2020 Yay Olimpiya Oyunlarına vəsiqə qazanan qadın voleybolçulardan ibarət sonuncu komanda müəyyənləşib. 

Apasport.az saytının məlumatına görə, “köhnə qitə”nin Yaponiya paytaxtına yollanacaq növbəti yığması Türkiyə olacaq. 

“Ay-ulduzlular” Niderlandda keçirilən Avropa Olimpiya Təsnifat Turnirinin qalibi adını qazanmaqla bu hüquqa yiyələniblər. Covanni Quidettinin rəhbərlik etdiyi milli yarımfinalda Polşanı (3:2) məğlub etdikdən sonra finalda Almaniyadan da güclü olub – 3:0 (25:17, 25:19, 25:22). 

Bununla da, Tokio-2020-yə yollanacaq yığmaların sayı 11-ə çatıb. Türkiyədən öncə Yaponiya, Serbiya, Çin, ABŞ, Braziliya, Rusiya, İtaliya, Keniya, Argentina və Cənubi Koreya Olimpiadada iştirak hüququ qazanıb. Son ölkə isə Şimali Amerikadan olacaq. 

Qeyd edək ki, Apeldornda keçirilən lisenziya turnirində Azərbaycan millisi də qüvvəsini sınayıb. Lakin Vasif Talıbovun rəhbərlik etdiyi komanda qrupda hər 3 oyunda uduzaraq, sonuncu yeri tutub. Təmsilçimizin yer aldığı qrupdan yarımfinala yüksələn Niderland Almaniyaya, Polşa isə Türkiyəyə uduzub. 
 

• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib