Gənclər və İdman Nazirliyi ilə Velosiped İdmanı Federasiyasının 2026-cı il üçün təsdiq edilmiş idman təqvim planına əsasən, 27-30 iyun tarixlərində keçiriləcək Azərbaycan çempionatı çərçivəsində ilk dəfə “Masters” kateqoriyası üzrə yarış təşkil olunacaq.

Apasport.az xəbər verir ki, yarış 28 iyun tarixində Qala yolunda baş tutacaq.

Yaşı 35-dən yuxarı olan həvəskar velosipedçilərin qatılacağı yarışda iştirakçılar 15 kilometr məsafəyə fərdi ötüşmə növündə mübarizə aparacaqlar.

Qaliblər iki yaş qrupu üzrə müəyyənləşəcək. Yarışda Masters 35-49 yaş və Masters 50+ yaş kateqoriyaları üzrə iştirakçılar qüvvələrini sınayacaqlar.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb