Argentina millisinin kapitanı Lionel Messi Avstriya ilə oyunun ən yaxşı futbolçusu seçilib.

Apasport.az xəbər verir ki, 39 yaşlı hücumçu DÇ-2026-nın J qrupunun II turunda keçirilən görüşdə komandasının 2:0 hesablı qələbəsində əsas pay sahibi olub.

Messi qarşılaşmada komandasının hər iki qolunu vurub, eyni zamanda dünya çempionatları tarixinin ən məhsuldar futbolçusu adına yiyələnib. Argentinalı ulduz mundiallardakı qollarının sayını 18-ə çatdıraraq Miroslav Klozeni geridə qoyub.

Bununla yanaşı, Messi qaçırdığı penalti ilə də tarixə düşüb. O, dünya çempionatları tarixində 3 penalti qaçıran ilk futbolçu olub.

Qeyd edək ki, Argentina bu qələbə sayəsində J qrupunda xalını 6-ya yüksəldib və pley-off mərhələsinə vəsiqəni vaxtından əvvəl təmin edib.

• "Qarabağ" və "Sabah"ın təxirə salınan oyunlarının tarixi açıqlanıb
• Prezident İlham Əliyev Canni İnfantinonu qəbul edib - FOTOLAR
• FIFA prezidenti Canni İnfantino Bakıya gəlib
• AFFA-nın təşkilatçılığı ilə skautinq mövzusunda seminar keçirilib
• Kamal Quliyevlə razılıq alınmadı – “Xankəndi” Röyal Nəcəfovu seçdi