Mövsümün ən çox azarkeş toplayan komandası müəyyənləşib

14.06.2025 - 22:57

2024/25 mövsümündə II Liqanın oyunlarını 31 min 930 tamaşaçı izləyib.

Apasport.az xəbər verir ki, baş tutan 178 oyunda orta göstərici 179-a bərabər olub.

Tamaşaçı sayında “Hypers Quba” hamını qabaqlayıb. Bu göstəricidə “Şəfa” ikinci, “Şəmkir” üçüncüdür. Yalnız dörd iştirakçıda orta tamaşaçı sayı 100-dən yüksəkdir. Bu üç komandadan başqa yalnız “Sheki City”nin orta göstəricisi üç rəqəmlə ifadə olunub. Şəki təmsilçisi bir qarşılaşmanı tamaşaçısız keçirib.

Mövsümün rekordu 24-cü turun “Şəfa” – “Şahdağ Qusar” matçında qeydə alınıb – 4500 izləyici. 8-ci turun “Hypers Quba” – “Şahdağ Qusar” oyununda 2000, 25-ci turun “Hypers Quba” – “Şimal” görüşündə 1500 tamaşaçı olub.

Nəticələri ləğv olunan 1-ci turun “Hypers Guba” – “Saatlı-Araz” (1200 tamaşaçı) və “Sheki City” – “Şəmkir” (500 tamaşaçı), 11-ci turun “Dinamo” – “Hypers Quba” (10 tamaşaçı) oyunları, həmçinin tamaşaçısız keçirilən 21-ci turun “Sheki City” – “Qusar” görüşləri cədvəldə nəzərə alınıb. Dörd qarşılaşma – 7-ci turun “Şəfa” – “Lerik”, 13-cü turun “Qusar” – “Şahdağ Qusar”, 14-cü turun “Şahdağ Qusar” – “Kür-Araz” və “Ağdaş” – “Şimal” görüşləri baş tutmadığı üçün cədvəldə əksini tapmayıb.

	komanda	tamaşaçı	oyun	orta
1	Hypers Quba	7680	13	591
2	Şəfa	6640	12	553
3	Şəmkir	6270	13	482
4	Sheki City	2870	13	221
5	Ağdaş	1180	12	98
6	Şimal	1135	13	87
7	Araz Saatlı	1120	13	86
8	Şahdağ Qusar	935	12	78
9-10	Dinamo	950	13	73
9-10	Lerik	950	13	73
11	Kür-Araz	800	13	62
12	Füzuli	570	13	44
13-14	Qusar	400	12	33
13-14	Göygöl	430	13	33
	Cəmi	31930	174	184