Ukraynalı mütəxəssis Roman Qriqorçuk bir müddət əvvəl “Neftçi”nin baş məşqçi postundan getməsinə ilk dəfə münasibət bildirib.

Apasport.az xəbər verir ki, Ukrayna mətbuatına danışan təcrübəli mütəxəssis “Neftçi”dəki işini dəyərləndirib. “Футбол 2.0” portalına danışan Qriqorçuk bunları deyib:

“Neftçi” rəhbərliyinə təşəkkür edirəm. Azərbaycana bir məqsədlə getmişdim. Ümid edirdim ki, “Neftçi”ni çempion edib Çempionlar Liqasında oynayacağıq. Ora yalnız bunun üçün getmişdim. Amma 9 turdan sonra “Neftçi” bir qələbə də qazana bilmədi. “Neftçi”yə isə uğurlar arzulayıram, məqsədlərinə çatsınlar. Mənim prioritetim, təbii ki, Ukraynada qalmaqdır. Mən bunu əvvəllər etmək istəyirdim, sadəcə, Azərbaycana səfərlə bağlı istisna var idi. Mən bunu planlaşdırmamışdım, nədənsə bu seçim yarandı. Mən ideyalarımı həyata keçirmək istəyirəm, yüksək nəticələr əldə etməyə yönəlmiş layihədir”.

• Cüdoçularımız XVIII Avropa Gənclər Yay Olimpiya Festivalında iki qızıl medal qazanıblar
• Filip Krovinoviç: "Azərbaycan çempionatının yaxşı səviyyədə olduğunu bilirik"
• "Hayduk"un baş məşqçisi: "15 ildir ki, komanda avrokuboklarda yaxşı çıxış etmir"
• Rəşad Sadıqovdan Yurçeviçə cavab: “Özünün Azərbaycanda müqaviləsi necə olub?”
• Qismət Alıyev: “Oyuna tam hazırıq”