"Maraqlı oyun alındı. Xüsusən də, birinci hissədə rəqib çox yaxşı təşkilatlanmış şəkildə görünürdü".

Apasport.az xəbər verir ki, bunu “Qarabağ”ın baş məşqçisi Qurban Qurbanov klubun rəsmi saytına açıqlamasında deyib.

Təcrübəli mütəxəssis mövsümün ilk - yoxlama oyununda “Zirə” üzərində qazanılmış 4:0 hesablı qələbəni şərh edib: “İkinci hissə bir qədər fərqli oldu. Erkən qollar vurduq, oyun bizim üçün asanlaşdı. Bəzi səhvlərimiz oldu ki, bu da gözlənilən idi. Çünki futbolçuların hazırlıq durumu hələ qaydasında deyil. Belə məqamda onlardan yüksək dinamikli oyun tələb etmək də düzgün olmazdı. Komandanın fiziki durumu hələ tam istədiyimiz səviyyədə deyil. Qarşıdakı günlərdə daha çox diqqət ayıracağımız məqamlar oldu”.

Qurban Qurbanov transfer çalışmalarının davam etdiyini bildirib: “Həmişə olduğu kimi, transfer danışıqları gedir. Bu məsələnin üzərinə çox ciddi düşmüşük. Bu elə prosesdir ki, dərhal həll olunmur”.

Qeyd edək ki, iyunun 18-də Bakı hazırlığı start götürən "Qarabağ" məşqlərə iyulun 2-də son verəcək. Bundan sonra komanda Avstriyaya yollanacaq.

• Yeton Bekiri: “Digər vacib məqam isə…”
• Azərbaycan Kuboku: “Qəbələ”, “Zirə”, “Sumqayıt” və “Araz-Naxçıvan” növbəti mərhələdə - YENİLƏNİB
• Zaur İsmayılov: “İkinci hissədə bunun nəticəsini gördük”
• “Sumqayıt” - “Şəfa” matçının məkanı dəqiqləşib
• Bakıda Arsen Vengerin iştirakı ilə "ustad dərsi" təşkil olunub