Azərbaycan Karate Federasiyasının “Vado-Ryu karate” üslubu üzrə milli komandasının üzvləri Yunanıstanın paytaxtı Afinada keçirilən dünya kubokunda üç medal qazanıblar.

Apasport.az xəbər verir ki, təmsilçilərimiz yarışda bir gümüş və iki bürünc medala sahib olublar.

U-21 yaş qrupu üzrə 75 kq çəki dərəcəsində mübarizə aparan İmran İsmayılzadə finala yüksəlsə də, həlledici görüşdə məğlub olaraq dünya kubokunun gümüş medalını qazanıb.

16-17 yaş kateqoriyasında 67 kq çəki dərəcəsində çıxış edən Uğur Quliyev, həmçinin böyüklər arasında +80 kq çəki dərəcəsində yarışan Maarif Xurşudov isə fəxri kürsünün üçüncü pilləsinə qalxıblar.

Qeyd edək ki, Azərbaycan millisi yarışda Vilayət Əmirovun rəhbərliyi altında iştirak edib.

• Üç məşqçimiz beynəlxalq lisenziya qazanıb
• Azərbaycan karateçiləri Avropa çempionatında iki medal qazanıb
• Karateçimiz İtaliyada qızıl medal qazanıb
• Azərbaycan karateçilərindən Budapeştdə böyük zəfər
• Bakıda 200-dən çox karateçinin iştirakı ilə seminar keçirilib