Cüdo üzrə Azərbaycan yığmasına yeni baş məşqçi təyin olunub. Apasport.az saytının məlumatına görə, Azərbaycan Cüdo Federasiyasında rəhbərlik dəyişdikdən sonra Peter Zayzenbaher yenidən bu vəzifəyə gətirilib.

O, bu postda Hacıağa Hacıəhmədovu əvəzləyib. Sabah Zayzenbaher ictimaiyyətə təqdimat olunacaq. 55 yaşlı avstriyalı mütəxəssisin gəlişi cüdoçuların yeni federasiya prezidenti Rövnəq Abdullayevdən xahişi nəticəsində baş tutub.

Zayzenbaher Azərbaycan cüdo tarixinə ilk dünya çempionu verən mütəxəssis kimi düşüb. Onun rəhbərliyi altında Elxan Məmmədov (100 kq) mundialın qızıl mükafatına yiyələnib.

Qeyd edək ki, bu, Peter Zayzenbaherin cüdo yığmamıza ikinci gəlişidi. O, 2012-ci ilin oktyabrından ötən ilin fevral ayına qədər millimizin “sükanı arxasında” olub.

• “Bakı Marafonu 2026”: 25 min iştirakçı mayın 3-də birincilik uğrunda yarışacaq
• UFC Bakıya qayıdır - RƏSMİ
• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib