Bakıda keçirilən şahmat üzrə Dünya Kubokunda bu gün 1/8 final mərhələsinin oyunları keçirilir. Apasport.az saytının məlumatına görə, yarışa 6 şahmatçı ilə başlayan Azərbaycanı bu mərhələdə yeganə qrossmeyster Şəhriyar Məmmədyarov təmsil edir.

1/16 final mərhələsində hindistanlı Sethuramanı məğlub edən “Şah” ən yaxşı 8 şahmatçı arasına düşmək üçün bu dəfə ABŞ qrossmeysteri Fabiano Karuananı yolundan kənarlaşdırmalıdı.

Şəhriyar mərhələnin ilk oyununda ABŞ şahmatçısına qalib gəlib.

Əlavə olaraq qeyd edək ki, həmyerlilərimizdən Eltac Səfərli və Vasif Durarbəyli birinci, Rauf Məmmədov ikinci, Qədir Hüseynov və Teymur Rəcəbov isə üçüncü mərhələdə mübarizəni dayandırıb.

Dünya Kuboku

1/8 final mərhələsi, ilk oyun

Şəhriyar Məmədyarov (Azərbaycan) – Fabiano Karuana (ABŞ) - 1:0

• “Bakı Marafonu 2026”: 25 min iştirakçı mayın 3-də birincilik uğrunda yarışacaq
• UFC Bakıya qayıdır - RƏSMİ
• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib