2016-cı ildə Braziliyada keçiriləcək Rio-de-Janeyro Yay Olimpiya və Paralimpiya Oyunlarının açılış mərasiminə böyük məbləğdə pullar xərclənməyəcək. Apasport.az saytı xəbər verir ki, bu barədə Olimpiadanın Təşkilat Komitəsinin rəhbərlərindən olan Leonardu Kaetano məlumat verib.

O bildirib ki, iqtisadi böhran olduğu bir vaxtda Oyunların açılış mərasimini gözlənilən kimi möhtəşəm etmək mümkün deyil: “Biz həddindən artıq əliaçıq deyil, orijinal olacağıq. Az pul xərcləyəcəyik, amma yaradıcılıq, ritm və emosiyaları özündə birləşdirən açılış mərasimi edəcəyik”.

Rio-2016-nın ümumi dəyəri təxminən 12 milyard dollar göstərilir. Bu, London Olimpiadasına xərclənən məbləğdən bir qədər, Pekin Olimpiadasına sərf olunan puldan isə qat-qat azdı.

Qeyd edək ki, Rio-2016-ya Azərbaycan millisi artıq 19 lisenziya qazanıb. 

• “Bakı Marafonu 2026”: 25 min iştirakçı mayın 3-də birincilik uğrunda yarışacaq
• UFC Bakıya qayıdır - RƏSMİ
• Azərbaycan üzgüçülüyündə yeni dövr: Məşhur məşqçi Bakıya gəldi
• Azərbaycanlı alpinist 9-cu səkkizminlik zirvəyə yüksəlib
• “Bakı-Xankəndi” Azərbaycan velosiped yarışının təşkilinə həsr olunmuş iclas keçirilib