Beynəlxalq Cüdo Federasiyası yeni reytinq cədvəlini açıqlayıb. Apasport.az saytının məlumatına görə, yeni siyahıda Azərbaycan millisinin aparıcı üzvlərindən cəmi 4-ü ilk “10-luq”da yer alıb.

Belə ki, cüdoçularımızdan Orxan Səfərov (60 kq), Nicat Şıxəlizadə (66 kq), Elxan Məmmədov və Elmar Qasımov (hər ikisi 100 kq) mövqelərini qoruyublar. Onlar müvafiq olaraq, 6-cı, 10-cu, 3-cü və 4-cü pillədədirlər.

Bu idmançılar kimi İlqar Müşkiyev (60 kq, 12-ci yer), Tərlan Kərimov (66 kq, 82), Rüstəm Orucov (73 kq, 13) və Kifayət Qasımova (57 kq, 23) da yerlərini əldən verməyiblər.

Siyahıda yeganə irəliləyən cüdoçumuz Məhəmmədəli Mehdiyev (81 kq) olub. O, rəqibinin geriləməsi səbəbindən 48-ci pilləni 47-yə dəyişib.

Onunla eyni çəkidə mübarizə aparan Tural Səfquliyev isə 53-cü yerə (-2) enib. Şahin Qəhrəmanov (90 kq) da geriləyənlər sırasına qoşulub. Təmsilçimiz 1 rəqibini özündən irəli buraxaraq, 23-cü yerə düşüb.  

Qeyd edək ki, cüdo idman növündə Olimpiadaya lisenziya reytinq xalına əsasən verilir.

• Sahib Ələkbərov: “Turnirə maraq olduqca böyükdür"
• “Bakı-Xankəndi” veloyarışı: Dördüncü mərhələ yekunlaşıb - FOTO
• “Bakı-Xankəndi” veloyarışı: Dördüncü mərhələyə start verilib
• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı