Azərbaycanın kontinental velosiped komandası "Synergy Baku" Malayziyada keçirilən Beynəlxalq Velosipedçilər İttifaqının (UCİ) 2-ci kateqoriyalı çoxgünlük "Le Tour de Langkawi" yürüşündə mübarizə aparır. Apasport.az saytının məlumatına görə, 22 komandanın iştirak etdiyi 8 günlük yürüşdə 4-cü mərhələ başa çatıb.

Bu gün iştirakçılar 165.4 km məsafə qət ediblər. "Synergy Baku" üzvlərindən ən yüksək nəticəyə Aleksandr Surutkoviç imza atıb. O, məsafəni 3 saat, 43 dəqiqə, 14 saniyəyə keçən pelotonun içərisində olub və fotofinişə əsasən 9-cu yeri tutub. Samir Cəbrayılov 43-cü, Elçin Əsədov isə 56-cı nəticə göstərib. Yeri gəlmişkən, yürüşün ən yaxşı dağ velosipedçiləri siyahısında Elçin Əsədov 7-ci yerdədi.

Sabah "Le Tour de Langkawi"nin ən uzun mərhələsi olacaq. İştirakçılar bu dəfə 200 km məsafə qət edəcəklər.

• Roland Hofer: “Maraqlı yarış keçməsini arzulayıram”
• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq