İslandiyada şahmat üzrə “Reykyavik Open” turnirinə start verilib. Apasport.az saytına verilən məlumata görə, yarışa qatılan Azərbaycan millisinin liderləri Şəhriyar və Zeynəb Məmmədyarovlar ilk turu qələbə ilə başa vurublar.

Şəhriyar (2756) özündən qat-qat zəif olan fransalı Qreqori Luksu (2065) mat edib. Qrossmeysterimizin bacısı Zeynəb (2303) də 1 xal qazanmaqda çətinlik çəkməyib. Həmyerlimiz Maksimilian Boqutla (Polşa, 1697) dueldən asan qələbə ilə ayrılıb.

Qeyd edək ki, 37 ölkədən 150 şahmatçının mübarizə apardığı turnirdə bu gün II turun oyunları baş tutacaq. Şəhriyar islandiyalı Daqur Raqnarssonla (2347), Zeynəb fransalı Matthieu Kornette (2585) ilə üz-üzə gələcək.

• Roland Hofer: “Maraqlı yarış keçməsini arzulayıram”
• Bakı-Xankəndi Velosiped Yarışının mükafat fondu bəlli oldu
• Sahib Ələkbərov: “Bakı–Xankəndi veloyarışı yeni reallıqların göstəricisidir”
• Bakı-Xankəndi Azərbaycan Velosiped Yarışı starta hazırdır
• Azərbaycanın paraüzgüçüləri Berlində Dünya Seriyasının mərhələsində yarışacaq