Mayın 30-da Avstriyanın İnsbruk şəhərində yeniyetmə taekvondoçular arasında ənənəvi “Austrian Open” turnirinə start veriləcək. Taekvondo Federasiyasından apasport.az saytına verilən məlumata görə, 2 gün davam yarışa Azərbaycan millisi də qatılacaq.

Komandamızın baş məşqçisi Səbuhi Zülfüqarov turnirdə 19 yetirməsini sınayacaq. O, “Austrian Open”də Qüdrət Nuruzadə (33 kq), Bəhruz Quluzadə (37 kq), Ziya Xəlilov (41 kq), Samir Məhərrəmov (45 kq), Ruslan Seyidov (49 kq), Yunis Məmmədzadə (53 kq), Ülvi Mustafayev (57 kq), Elşad Məmmədov (61 kq), Seymur Quliyev (65 kq), Cavid Soltanov (+65 kq), Ofeliya Allahverdiyeva (29 kq), Minayə Əkbərova (33 kq), Sevda Pirseyodova, Mirvari Qəmbərli (hər ikisi 37 kq), Aliyə Zeynalova (41 kq), Zalikə Babayeva (44 kq), Nərmin Süleymanova (47 kq), Nuranə İbrahimova (51 kq) və Şəms İsayevaya (55 kq) şans verəcək.

Ölkəmizi bu turnirdə hakim qismində isə Elşən Quliyev təmsil edəcək. 

Qeyd edək ki, sabah İnsbruka yollanacaq yığmamız iyunun 2-də Bakıya dönəcək.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək