Bu gün UEFA Çempionlar Liqasında əsas mərhələnin püşkatma mərasimi baş tutub.

Apasport.az xəbər verir ki, tədbir UEFA-nın Monakoda yerləşən inzibati binasında təşkil olunub.

Turnirdə Azərbaycanı təmsil edən "Qarabağ"ın rəqibləri bəlli olub.

IV səbətdə yer alan Ağdam təmsilçisinin bu mərhələdəki rəqibləri İngiltərədən "Çelsi", "Liverpul", Portuqaliyadan "Benfika", Almaniyadan "Ayntraxt", Niderlanddan "Ayaks", İtaliyadan "Napoli", İspaniyadan "Atletik" və Danimarkadan "Kopenhagen" komandaları olub. 

Son ölkə çempionu Bakıda "Çelsi", "Ayntraxt", "Ayaks" və "Kopenhagen"i qəbul edəcək. "Liverpul", "Benfika", "Napoli" və "Atletik"lə oyunlar isə səfərdə baş tutacaq.

Qeyd edək ki, UEFA Çempionlar Liqasının ilk turunun görüşləri sentyabrın 16-18-də təşkil olunacaq. Pley-off mərhələsi fevralın 17-18-də, final qarşılaşması isə mayın 30-da Macarıstanın paytaxtı Budapeştdə reallaşacaq.

• AL: “Beşiktaş” İngiltərə klubuna qarşı – YENİLƏNİR
• Çempionlar Liqası: Münhendə qalib müəyyənləşmədi - YENİLƏNİB
• FIFA U-15 Dünya Çempionatı və Festivalında iştirak edəcək Azərbaycan millisinin açıq məşqi təşkil olunacaq
• ÇL: “Barsa” PSJ-yə məğlub oldu - YENİLƏNİB
• Valdas Dambrauskas: “Bu, bizdə məyusluq yaratdı”