Azərbaycan millisi Bolqarıstanın paytaxtı Sofiyada keçiriləcək 22 yaşadək (U-22) boksçular arasında Avropa çempionatında qüvvəsini sınayacaq.

Apasport.az xəbər verir ki, məşqçilər korpusu yarışda 13 idmançıya şans verəcək.

Mükafatlar uğrunda Tural Sarıyev (48 kq), Nicat Hüseynov (51 kq), Amin Məmmədzadə (54 kq), Kamil Babayev (57 kq), Ruslan Qədirov (63,5 kq), İlqar Salahov (67 kq), Şəmsi Şahbazov (71 kq), Fərhad Şeydayev (75 kq), Murad Allahverdiyev (80 kq), Seyid Seyidov (86 kq), Mehparə Məmmədov (48 kq), Marjona Savriyeva (50 kq) və Zeynəb Rəhimova (54 kq) mübarizə aparacaq.

Avropa çempionatında ədalət təmsilçiləri sırasında beynəlxalq dərəcəli hakim Anar Nağdiyev də yer alacaq.

Qeyd edək ki, oktyabrın 12-də startı veriləcək turnir 9 gün davam edəcək.

• Boksçumuz dünya çempionatına qələbə ilə başlayıb
• Dünya çempionatında boksçularımızın ilk rəqibləri bəlli olub
• Azərbaycan boksçuları İngiltərədə keçirilən dünya çempionatında iştirak edəcəklər
• Millimiz dünya çempionatına 11 boksçu ilə qatılacaq
• Boksçularımız Qazaxıstanda beynəlxalq turnirdə mübarizə aparacaq