07-13 may tarixlərində Serbiyanın Novi-Sad şəhərində sambo üzrə kişilər, gənclər və yeniyetmələr arasında Avropa çempionatı keçiriləcək. 

Apasport.az xəbər verir ki, turnirdə ölkəmizi 3 yaş qrupu üzrə ümumilikdə 22 idmançı və 2 məşqçi təmsil edəcək. 

Böyüklər arasında Elvin Bağırov (64 kq), Adil Adilzadə (79 kq), Aydəmirov Rəsul (98 kq), Nicat Məmmədli (58 kq), Hacalı Qasımov (71 kq), Ağani Məmmədov (88 kq), Sabir İsayev (+98 kq) mübarizə aparacaqlar. 

Gənclər arasında Murad Fətullayev (58 kq), Nicat Rəhimov (64 kq), Xudabaxış Əliyev (71 kq), Pünhan Göyüşov (79 kq), Sadiq Zeynallı (88 kq), Şahin Əsədov (98 kq) və Orxan Məcidli (+98 kq) ölkəmizi təmsil edəcəklər. 

Yeniyetmələrin yarışında isə İsmayıl Əlipənahov (53 kiloqram), Ziyəddin Zeynallı (58 kiloqram), Nicat Süleymanlı (64 kiloqram), Mikayıl Əmirov (71 kiloqram), Roman Qarayev (79 kiloqram), Əli Əliyev (88 kiloqram), Ramal Cavadov (98 kiloqram) və Hacbaba İmaməliyev (+98 kiloqram) qüvvəsini sınayacaq.

Komandalara kişilərdən ibarət millinin baş məşqçisi Vahid Tarverdiyev və gənclərdən ibarət yığmanın çalışdırıcısı Bəxtiyar Hacıyev rəhbərlik edəcəklər.

• Asəf Çopurov UFC debütündə məğlub oldu
• Əvvəl şillə, sonra 10:0 – Tsarukyandan qalmaqallı qələbə - VİDEO
• Arman Tsarukyan mətbuat konfransında dava saldı – VİDEO
• Bakıdakı sumo üzrə dünya çempionatı öncəsi antidopinq vebinarları keçirilib
• Qılıncoynatma üzrə Bakı şəhər açıq birinciliyinin qalibləri bəlli olub