"Azərbaycana qayıdacağım üçün çox xoşbəxtəm”.
Apasport.az xəbər verir ki, bu sözləri azərbaycanlı MMA döyüşçüsü Rafael Fiziev Mütləq Döyüş Çempionatının (UFC) Bakıda təşkil olunacaq turniri ilə bağlı danışarkən deyib.
Mətbuat konfransına qoşulan idmançı döyüş barədə fikirlərini bölüşüb:
“Məşqlərimiz əla davam edir. Hazırda Taylanddayam. Çox maraqlı döyüş olacaq. Eyni komanda ilə hazırlaşıram və bu kollektivi dəyişmək fikrim yoxdur. Hər döyüşçü nokautdan danışa bilər, amma heç kim dəqiq deyə bilməz ki, bunun hansı raundda baş verəcəyini əvvəlcədən müəyyən etmək mümkün deyil. Bunun üçün əlimdən gələni edəcəyəm. Hər zaman zirvəyə yüksəlmək üçün çalışmışam. Qarşılaşmaq istədiyim xüsusi bir idmançı yoxdur. Rəqibimlə aramızdakı ən böyük fərq onun boy üstünlüyüdür. Düşünürəm ki, mənə çətinlik yarada biləcək əsas məqam da məhz budur".
O, Hamzat Çimaevlə Şon Striklend arasında baş tutan döyüşə də münasibət bildirib:
“Döyüşün yekun nəticəsini münsiflər heyəti müəyyənləşdirir. Məncə, qalib gələn tərəf həmin gün daha güclü olan idmançı idi".
İdmançı çəkisalma prosesi haqqında da danışıb:
"20 kiloqram çəkiartma var idi. Onun yarısını azaltmışam. Pəhrizə uyğun məhsullar yeyirəm. Əlbəttə ki, bunlar adama xoş gəlmir".
Qeyd edək ki, “UFC Fight Night” iyunun 27-də Milli Gimnastika Arenasında təşkil olunacaq. Rafael Fizievin rəqibi meksikalı Torres olacaq.
Oxşar xəbərlər
Ana səhifə
Bütün xəbərlər