Dekabrın 31-də Saitamada (Yaponiya) azərbaycanlı döyüşçü Vüqar Kərəmovun da iştirak edəcəyi “Rizin 49” turnirində üç titul döyüşü keçiriləcək.

Apasport.az xəbər verir ki, Kərəmov braziliyalı Roberto De Souza ilə döyüşəcək.

Rəqiblər 71 kq çəki dərəcəsində kəmər uğrunda mübarizə aparacaqlar. Yüngül çəkidə isə titul uğrunda Kieji Horiquçi (Yaponiya) və Zulu Nkazimulo (Cənubi Afrika) qarşılaşacaqlar.

Saitamada ümumilikdə 12 görüş keçiriləcək və əsas döyüşdə çempion kəmərinin sahibi Çihiro Suzuki (Yaponiya) və Kleber Koike Erbst (Braziliya) kimin güclü olduğunu aydınlaşdıracaqlar.

Kərəmova gəlincə, o, sonuncu döyüşünü noyabrda keçirib və yaponiyalı Kazumasa Macimaya qalib gəlib.

• Asəf Çopurov UFC debütündə məğlub oldu
• Əvvəl şillə, sonra 10:0 – Tsarukyandan qalmaqallı qələbə - VİDEO
• Arman Tsarukyan mətbuat konfransında dava saldı – VİDEO
• Bakıdakı sumo üzrə dünya çempionatı öncəsi antidopinq vebinarları keçirilib
• Qılıncoynatma üzrə Bakı şəhər açıq birinciliyinin qalibləri bəlli olub