Bu gün Macarıstanın paytaxtı Budapeştdə bədii gimnastika üzrə Avropa çempionatı start götürüb.

Apasport.az xəbər verir ki, yarışın ilk günündə gənclər mübarizəyə qoşulublar.

Gənclərin fərdi mübarizəsinə Gövhər İbrahimova, Şəms Ağahüseynova, İlahə Bahadirova və Fidan Qurbanlı uğulu çıxış edərək, final mərhələsinə yüksəliblər. İlahə (29,850) topla çıxışında təsnifat mərhələsini 3-cü pillədə başa vurub. Şəms (29,000) lentlə 4-cü, Gövhər (30,050) halqa ilə 6-cı olub. Fidan (28,500) gürzə çıxışını 7-ci pillədə başa vuraraq, final mərhələsinə vəsiqə qazanıb.

Yekunda Azərbaycan yığması 117,400 xal toplayaraq, Avropa çempionatının bürünc medalını qazanıb. Rumıniya (125,100) qızıl, İsrail (123,750) gümüşə yiyələnib.

Qeyd edək ki, Avropa çempionatı mayın 26-da başa çatacaq.

• Azərbaycan gimnastları IV Avropa Oyunlarına lisenziya qazanıblar
• Bakıda gimnastika üzrə qaliblər bəlli olub
• Akrobatika və aerobika gimnastikası üzrə Azərbaycan çempionatı keçirilib
• Bədii gimnastika üzrə ölkə çempionatına yekun vurulub - FOTO
• Akrobatika və aerobika gimnastikası üzrə ölkə çempionatı keçiriləcək