Azərbaycan komandası Bolqarıstanın paytaxtı Sofiyada krçirilən yeniyetmələr arasında bədii gimnastika üzrə dünya çempionatında qrup hərəkətlərində 13-cü yeri tutub.

Apasport.az xəbər verir ki, çoxnövçülükdə Nəzrin Abdullayeva, Röya Alikişiyeva, Ayan Nəsirova, Şəms Müvəffəqi və Nəzrin Salmanlıdan ibarət komanda beş halqa və beş cüt gürzlə çıxış ediblər.

İki növün cəmində onlar 42.300 bal toplayıb və 22 ölkədən olan rəqiblərini qabaqlayaraq 13-cü olublar. Gimnastlarımız fərdi növlərdə finala yüksələ bilməyiblər.

Bu gün dünya çempionatının sonuncu günü keçiriləcək. Finalda iki gimnastımız iştirak edəcək: Fidan Qurbanlı gürzlərlə, Azadə Atakişiyeva isə halqa ilə mübarizəyə qoşulacaq.

• Dünya kubokunda final: Gimnastlarımız üçün medal şansı
• Akrobatika və aerobika gimnastikası üzrə beynəlxalq turnirdə ikinci gün başa çatıb
• Gimnastlarımız Avropa çempionatında iştirak edib
• Dünya Kubokunda iştirak edəcək ölkələr müəyyənləşib
• Bakıda keçiriləcək akrobatika gimnastikası üzrə Dünya Kubokunda 11 ölkə iştirak edəcək