Bu gün yunan-Roma və sərbəst güləş üzrə Azərbaycan çempionatının açılış mərasimi keçirilib.

Apasport.az xəbər verir ki, tədbir dövlət himninin səsləndirilməsi ilə başlayıb.

Mərasimin rəsmi hissəsində Milli Olimpiya Komitəsinin vitse-prezidenti Çingiz Hüseynzadə, gənclər və idman naziri Fərid Qayıbov, Dünya Güləş Birliyinin (UWW) Büro üzvü, Azərbaycan Güləş Federasiyasının (AGF) vitse-prezidenti Namiq Əliyev, eləcə də federasiyanın baş katibi Pərvin Piriyev çıxış edib. Çıxışlar zamanı ölkə çempionatının hər bir güləşçi üçün mühüm mərhələ olduğu vurğulanıb, güləşin inkişafı istiqamətində görülən işlərdən bəhs edilib, sonda yarış iştirakçılarına uğurlar arzulanıb.

Açılışın rəsmi hissəsindən sonra maraqlı şou və rəqslərin göstərildiyi bədii hissə təqdim edilib. Bununla da açılış mərasimi yekunlaşıb.

Tədbirdən sonra karyeralarını başa vurmuş tanınmış güləşçilərimiz – Hacı Əliyev, Rafiq Hüseynov, Mariya Stadnik, Rəsul Çunayev və Taleh Məmmədov Olimpiya çempionları,     AGF-nin vitse-prezidentləri Namiq Abdullayev və Fərid Mansurov tərəfindən təltif olunublar.

Yarışın axşam seansında çempionatın final görüşləri keçirilib.

• Azərbaycan güləşçilərindən beynəlxalq turnirdə 8 medal
• Millimiz dünya çempionatına Bakıda hazırlaşır
• Bakı Güləş Məktəbinə 47 şagird qəbul olunub
• Qadın güləşi üzrə Azərbaycan millisinin məşqçisi Həsrət Məmmədyarov vəfat edib
• Azərbaycanın 6 idmançısı çimərlik güləşi üzrə Dünya Seriyasının IV mərhələsində yarımfinala yüksəlib